Ótken táýlikte respýblıkanyń sý qoımalarynda 4 adam batyp ketti
ASTANA. 5 tamyz. QazAqparat - Ótken táýlikte respýblıkanyń sý qoımalarynda 4 adam batyp ketti, dep habarlady QR TJM baspasóz qyzmetinen.
Vedomstvonyń aqparatyna sáıkes, keshe Almaty qalasynda Úlken Almaty ózenine shomylǵan 28-30 jastaǵy áıel batyp ketti. Sonymen qatar Almaty oblysynyń Іle aýdanynda eki qaıǵyly oqıǵa oryn aldy. Birinshi oqıǵa kezinde Lokator ózenine shomylǵan aty-jóni belgisiz 30-35 jastaǵy áıel sýǵa ketse, Qaraoı kólinde de áıel adam batyp ketti.
Al tórtinshi oqıǵa Qaraǵandy oblysynyń Aqtoǵaı aýdanynda oryn aldy. Keshe kúndiz Balqash kóline shomylǵan 52 jastaǵy azamat tunshyǵyp óldi.
Sýǵa ketken adamdardyń denesin QR Tótenshe jaǵdaılar mınıstrligi sýda qutqarý qyzmetiniń mamandary alyp shyqty.
