Ótken táýlikte respýblıkanyń avtojoldaryna qar qursaýynan 246 adam, 48 birlik tehnıka qutqaryldy - QR TJM
ASTANA. QazAqparat - Ótken táýlikte el óńirlerinde qar qursaýynan 246 adam (onyń ishinde 11 bala) jáne 48 birlik tehnıka (onyń ishinde 3 avtobýs) qutqaryldy, dep habarlady QR TJM baspasóz qyzmetinen.
Almaty oblysynda «Saryózek-Kóktal» avtojolynda (40-65 shaqyrym) 13 birlik tehnıka (onyń ishinde bir shaǵyn avtobýs) men 45 adam qar astynda qaldy. Іshinde adamdary bar avtokólik joldyń tazalanǵan bóligine shyǵarylyp, Saryózek baǵytyna qaraı jol júrip ketti. Zardap shekkender joq. Osy ýchaskede qar qursaýynda 55-teı jolaýshylarmen 20-ǵa jýyq jeńil kólik, 16 adammen «Setra» reıstik avtobýsy bar. Altynemel aýdanynda 21-ge jýyq jolaýshymen 7 avtokólik, 11 adammen jolaýshylar shaǵyn avtobýsy qardan shyǵa almaı qaldy. Adamdary bar kólik taza jolǵa shyǵaryldy da óz baǵytymen ári qaraı ketti. Qazirgi kezde bul aýdanda qar qursaýynda 25 shaqty jolaýshymen 11 tehnıka birligi bar.
Aqtóbe oblysynda Hromtaý baǵytyna qaraı 7 adammen jeńil kólik qar qursaýynda qaldy. Oblystyń TJD ÁTQJ kúshteri (5 adam, 1 tehnıka birligi) jolaýshylardy qutqaryp, Hromtaý qalasyna jetkizdi. Zardap shekkender joq.
Sondaı-aq «Aqtóbe-Hromtaý» avtojolynda 30 adammen (olardyń ishinde 8 bala) kólik qardan shyǵa almaı qaldy. Oblystyń TJD ÁTQJ kúshteri (5 adam men 1 birlik tehnıka) jolaýshylardy qutqaryp, Hromtaý qalasyna jetkizdi. Zardap shekkender joq.
Aqtóbe q. men Rossovhoz kenti arasyndaǵy avtojolda qar astynda jeńil kólik pen 4 jolaýshy (1 jolaýshyǵa medıtsınalyq kómek qajet) qaldy. Oblystyń TJD «JQJ» MM kúshteri (3 adam, 1 birlik tehnıka) olardy qutqaryp, Rossovhoz kentine jetkizdi, zardap shekken adamǵa jedel medıtsınalyq kómek shaqyrtyldy.
"Shubarqudyq-Keńqııaq" avtojolynda qar qursaýynda 3 adammen jeńil avtokólik qalyp qoıdy. Oblystyń TJD órt sóndirý qyzmetteri (4 adam, 1 birlik tehnıka) olardy qutqaryp, Shubarqudyqqa jetkizdi.
"Qarabutaq-Komsomol" avtojolynda 18 adammen 5 avtokólik qardyń astynda qaldy. Oblystyń TJD qyzmetiniń (2 adam, 1 birlik tehnıka) jáne «Qazaqavtojol» RMK kúshteri jolaýshylarmen avtokólikti aman-esen qutqaryp, Qarabutaq kentine jetkizdi.
Qyzylorda oblysynda «Qyzylorda-Jezqazǵan» avtojolynda (203 shaqyrym) 65 jolaýshymen 23 avtokólik qardan shyǵa almaı qaldy. Oblystyń TJD sýdan qutqarý qyzmetiniń (3 adam, 1 birlik tehnıka) jáne «Qazaqavtojol» RMK kúshteri (8 birlik tehnıka) avtomobılderdi taza jolǵa shyǵardy, olar ári qaraı jolǵa shyqty. Zardap shekkender joq.
Qaraǵandy oblysynda «Aqsý-Aıýly-Aqadyr» avtojolynda Qarasaz aýylynda 25 adammen (olardyń ishinde 2 bala) 8 avtokólik qar qursaýynda qaldy. Oblystyń TJD (3 adam, 1 birlik tehnıka) jáne «Ǵımarat» JShS (1 birlik tehnıka) olardy taza jolǵa shyǵaryp, kólikter ári qaraı baǵytyn jalǵastyrdy, zardap shekkender joq.
"Almaty-Ekaterınbýrg" avtojolynda (Balqashtan 72 shaqyrym) kóktaıǵaq saldarynan 4 júk mashınasy men avtobýs jol jıegine shyǵyp ketti, sonyń saldarynan avtojolda 3 shaqyrym aralyqta avtokólik keptelisi oryn aldy. Oblystyń TJD (3 adam, 1 birlik tehnıka), «Qazaqavtojol» RMK (2 birlik tehnıka) kúshteri jáne Balqash q. polıtsııalary (5 adam, 3 birlik tehnıka) avtokólikterdi jolǵa shyǵaryp, qozǵalysty qalpyna keltirdi. Zardap shekkender joq.
Qalyń qardan adamdardy qutqarý úshin jalǵasyp jatqan jumysqa Almaty oblysy TJD jeke quramynan 13 adam, 3 birlik tehnıka, «Qazaqavtojol» RMK 5 birlik tehnıkasy tartyldy.
