Ótken táýlikte respýblıkanyń ashyq sý kózderinde 8 qaıǵyly oqıǵa oryn aldy - TJM
ASTANA. 28 shilde. QazAqparat - Ótken táýlikte respýblıkanyń ashyq sý kózderinde 8 qaıǵyly oqıǵa tirkeldi, onyń ishinde eki jasóspirim jáne bir Reseı azamaty sýǵa ketti.
Atap aıtqanda, Astananyń qalalyq jaǵajaıynda sýǵa shomylyp júrgen kezinde Reseı Federatsııasynyń 27 jastaǵy azamaty sýǵa ketti. Sondaı-aq keshe Esilde taǵy bir qaıǵyly oqıǵa oryn aldy - 17 jastaǵy jasóspirim sýǵa batyp ketti. Olardyń denelerin sýdan qutqarýshylar alyp shyqty.
Almatyda, Úlken Almaty ózenine shomylyp júrgen jerinde 9 jasar qyz bala sýǵa ketti. Onyń denesin sýdan qutqarýshylar alyp shyqty.
Almaty oblysynyń Alakól aýdanynda shomylyp júrgen kezinde 42 jastaǵy er azamat sýǵa ketti. Onyń denesin sýdan qutqarýshylar alyp shyqty. Al osy oblystyń Sarqand aýdanynda balyq aýlap júrgen jerinde qaıyqtan qulap ketip, 23 jastaǵy jigit sýǵa batyp ketti. Onyń denesin sýdan týystary alyp shyqty.
"Sýdaǵy qaıǵyly oqıǵalar Aqtóbe, Shyǵys Qazaqstan, Atyraý oblystarynda da oryn aldy", - dep habarlaıdy Tótenshe jaǵdaılar mınıstrliginen.
