Ótken táýlikte respýblıkada órtten 5 adam qurban bolyp, 3-eýi zardap shekti

dep habarlady beısenbi, qańtardyń 28-i kúni QR TJM-nyń baspasóz qyzmeti.

Órt oqıǵalarynyń biri Astana qalasynda Promyshlennyı kentinde ornalasqan «Ikarýs» baǵbandyq qoǵamdastyǵyndaǵy turǵyn úıde boldy. 60 sharshy metr aýmaqqa taraǵan jalyndy sóndirý barysynda qutqarýshylar eki adamnyń máıitin tapty.

Taǵy eki oqıǵa Qaraǵandy oblysynyń Temirtaý qalasynda tirkeldi. Olardyń birinde tilsiz jaý 4 jastaǵy eki balanyń ómirin qıyp ketti. Sondaı-aq osy kúni «Arselor Mıttal Temirtaý» AQ-nyń №3-shi tsehynda 21 saǵat 54 mınýtta 200 sharshy metr aýmaqta órt shyǵyp, onyń saldarynan 51 jastaǵy qalaıylaýshy kúıik jaraqattarymen aýrýhanaǵa jetkizildi.

Al Soltústik Qazaqstan oblysy Býlaevo aýylyndaǵy jekemenshik turǵyn úıde bolǵan órtten 1967 jyly týǵan azamat mert boldy.