Ótken táýlikte respýblıkada eki adam sýǵa batyp ketti - QR TJM
ASTANA. Tamyzdyń 14-i. QazAqparat - Ótken táýlik ishinde respýblıkanyń ózenderi men sý qoımalarynda adam ólimine alyp kelgen 2 qaıǵyly oqıǵa tirkeldi.
Sýǵa shomylý kezinde eresek adam men 5 jasar qyz bala sýǵa batyp ketti, dep habarlaıdy QR TJM baspasóz qyzmeti.
Birinshi tótenshe oqıǵa Qaraǵandy oblysy Abaı aýdanyndaǵy Topar eldi mekenine jaqyn ornalasqan Sherýbaı-Nura sý qoımasynda oryn aldy. Bul jerde balyq aýlaý kezinde 60 jastaǵy er azamat sýǵa batyp ketti. QR TJM habarlaǵandaı, «qaza tapqan azamattyń máıiti tamyzdyń 13-inde saǵat 08.35 mınýtta TJM sýda qutqarý qyzmeti qyzmetkerleriniń kúshimen shyǵaryldy».
Kelesi bir qaıǵyly oqıǵa Almaty oblysy Talǵar qalasyndaǵy ózende boldy. 2005 jylǵy qyz bala abaısyzda batyp ketti. QR TJM habarlaǵandaı, sýǵa ketken qyzdyń denesi áli kúnge izdestirilýde.
