Ótken táýlikte respýblıkada alty adam sýǵa batyp ketti
ASTANA. 14 tamyz. QazAqparat - Ótken táýlikte respýblıkada sýǵa batyp ketken alty shomylýshynyń múrdeleri anyqtaldy.
Bul týraly QR TJM-niń baspasóz qyzmetinen habarlaıdy.
13 tamyz kúni saǵat 11:20-da Astanadaǵy Esil ózenine sýǵa shomylý kezinde 40 jastaǵy er adam batyp ketti. Onyń denesi jaǵaǵa QR TJM Astana qalalyq TJD sý-qutqarý qyzmetindegi 3 adam men 1 tehnıka birliginiń kúshimen shyǵaryldy.
Óskemendegi Ertis ózeninde 13 tamyz kúni kúndiz sýǵa shomylý kezinde 52 jastaǵy er adam batyp ketti. Onyń denesi sýdan QR TJM ShQO TJD-niń sýdan qutqarý qyzmetiniń kúshimen (4 adam men 1 tehnıka) shyǵaryldy.
12 tamyzda Shyǵys Qazaqstan oblysynyń Kókpekti aýdanyndaǵy Buqtyrma sý qoımasynda qaıyq mingen 32 jastaǵy áıel odan qulap, sýǵa batyp ketti. Onyń múrdesi 13 tamyzda QR TJM ShQO TJD sý-qutqarý qyzmetiniń kúshimen (4 adam men 1 tehnıka) anyqtalyp, shyǵaryldy.
12 tamyz kúni keshke Shyǵys Qazaqstan oblysynyń Kúrshim aýdanyndaǵy «Altaı altyn» JShS-niń qazańshuńqyrynda shomylǵan «Vızal» JShS-niń 38 jastaǵy geology sýǵa batyp ketti. Onyń denesi kelesi kúni anyqtalyp, jaǵaǵa shyǵaryldy.
13 tamyzda Qaraǵandy oblysynyń Saran qalasyndaǵy Qaraǵandy ózeninde shomylý kezinde 50 jastaǵy er adam sýǵa batyp ketti. Keshke onyń denesi jaǵaǵa QR TJM Qaraǵandy oblystyq TJD sýdan qutqarý qyzmetiniń kúshimen shyǵaryldy.
Aqmola oblysynyń Tselınograd aýdanyndaǵy «Qazaq kópiri» toǵanynda 12 tamyz kúni sýǵa shomylǵan 18 jasar jigit batyp ketti. Onyń múrdesi jaǵaǵa kelesi kúni QR TJM «Soltústik aımaqtyq aeroutqyr jedel-qutqarý jasaǵy» MM-niń 3 adamy jáne 1 tehnıkasynyń kúshimen shyǵaryldy.
