Ótken táýlikte respýblıka boıynsha 3 jol-kólik oqıǵasy oryn alyp, onyń saldaryn 1 adam qaza tapty
ASTANA. Mamyrdyń 29-y. QazAqparat - Ótken táýlikte respýblıka boıynsha 3 jol-kólik oqıǵasy oryn alyp, onyń saldaryn 1 adam qaza tapsa, 7-eýi aýrýhanaǵa jetkizildi,
dep habarlady QR TJM baspasóz qyzmetinen.
Mamyrdyń 28-inde Shymkentte, avtoturaqta turǵan KamAZ-dyń dóńgelegin aýystyryp jatqan eki azamattyń biri oqys oqıǵa saldarynan mert bolsa, ekinshisi aýrýhanaǵa jetkizilgen.
Sol kúni Omby-Maıqapshaǵaı avtojolynyń 1005-shi shaqyrymynda, Shyǵys Qazaqstan oblysynyń Kókpekti aýylynan 2 shaqyrym jerde «Opel» avtomobıli aýdarylǵan. Oqıǵa saldarynan kóliktiń 3 jolaýshysy túrli jaraqattarmen aýrýhanaǵa túsken.
Al Astana-Pavlodar kúre jolynyń boıynda «Aýdı» men «Folksvagen» mashınalary soqtyǵysyp qalǵan. Jol- kólik oqıǵasy saldarynan júrgizýshi men ekinshi kóliktiń 2 jolaýshysy aýrýhanaǵa jetkizilgen.
