Ótken táýlikte respýblıka aýmaǵynda sýǵa ketken 4 adamnyń deneleri tabyldy
ASTANA. 4 tamyz. QazAqparat - Respýblıkada ótken táýlikte oblystaǵy tabıǵı sý qoımalaryna shomylý kezinde batyp ketken tórt adamnyń múrdeleri tabyldy.
Bul týraly QR TJM-niń baspasóz qyzmetinen habarlady.
Máselen, 3 tamyz kúni kúndiz Atyraý qalasyndaǵy Talqaıran kentinde Atyraý oblystyq TJD-niń sý-qutqarý qyzmetiniń kúshimen eki kún buryn Jaıyq ózenine batyp ketken 20 jastaǵy jigittiń denesi tabyldy.
Almaty oblysynyń Іle aýdanynda keshe saǵat 19:10-da sýǵa shomylý kezinde er adam batyp ketti, onyń týǵan jyly anyqtalǵan joq. Azamattyń denesin sýdan kýágerler alyp shyqty.
Almaty oblysyndaǵy Sarqand aýdanynyń Qarashaǵan aılaǵynda 3 tamyz kúni saǵat 16:00-de sýǵa shomylý kezinde 65 jastaǵy er adam batyp ketti. Onyń máıti jer betine úsh saǵattan keıin Almaty oblystyq TJD sý-qutqarý qyzmetiniń kúshimen shyǵaryldy.
Óskemende Samara tas jolyndaǵy qazanshuńqyrda saǵat 14:20-da shomylý barysynda 41 jastaǵy er adam ajal qushty. Onyń múrdesin jaǵaǵa 20 mınýttan keıin polıtsııa qyzmetkerleri shyǵardy.
