Ótken táýlikte PTR anyqtamasy joq 112 qazaqstandyq ushaqpen keldi
NUR-SULTAN. QazAqparat - Ótken táýlikte Qazaqstanǵa PTR test tapsyrǵany týraly anyqtamasy joq 112 el azamaty ushyp keldi. Mundaı derek COVID-19-dyń taralýyna jol bermeý jónindegi vedomstvoaralyq komıssııanyń Telegram kanalynda jarııalandy, dep habarlaıdy QazAqparat.
26 qarashada Qazaqstanǵa Germanııa, Ulybrıtanııa, BAÁ, Reseı, Túrkııa, Iran, Latııa jáne Mysyrdan 13 halyqaralyq áýe reısi keldi. Áýe kóligimen kelgen 1 496 jolaýshynyń 1 384-inde PTR testileýden ótkeni týraly nátıje kórsetilgen anyqtamasy boldy. Al anyqtamasyz kelgen qazaqstandyqtardyń sany 112 adamdy qurady.
Naqty aıtqanda, Nur-Sultan áýejaıyna 5 reıspen jetken 612 jolaýshynyń 548-i anyqtamamen, al 64-i anyqtamasyz, Almaty qalasy áýejaıyna 5 reıspen jetken 688 jolaýshynyń 657-si anyqtamamen, 31-i anyqtamasyz kelgen. Shymkent qalasy áýejaıyna 1 reıspen 133 jolaýshy jetti. Olardyń 10-ynda anyqtama bolmaı shyqty. Al Oral qalasy áýejaıyna 1 reıspen ushyp kelgen 56, Aqtaý qalasy áýejaıyna 1 reıspen jetken 7 jolaýshyda anyqtama boldy.
Anyqtamasyz ushyp kelgen Qazaqstan azamattary kelgen jerlerindegi karantındik statsıonarlarǵa PTR-saraptama ádisimen COVID-19 arnalǵan testileýden ótý úshin ornalastyryldy, - delingen taratylǵan aqparatta.
