Ótken táýlikte oryn alǵan 5 jol-kólik oqıǵasynan 6 adam mert boldy
ASTANA. Mamyrdyń 15-i. QazAqparat - Ótken táýlikte oryn alǵan 5 jol-kólik oqıǵasynan 6 adam mert boldy, dep habarlady QR Tótenshe jaǵdaılar mınıstrliginiń baspasóz qyzmetinen.
Qyzylorda oblysynda «Qyzylorda-Jalaǵash» trassasynyń 22-shi shaqyrymynda avtomobıl aýdarylyp, júrgizýshisi oqıǵa ornynda kóz jumdy.
Dál osyndaı oqıǵa Soltústik Qazaqstan oblysynyń «Saýmalkól-Aıyrtaý» avtojolynyń 9-shy shaqyrymynda oryn aldy. «Foksvagen» kóliginiń jolaýshysy rólge ıe bola almaı mashına aýdarylǵan. Oqıǵa saldarynan kóliktegi jolaýshy qaza taýyp, júrgizýshi aýrýhanaǵa jetkizildi.
Al Mańǵystaý oblysynda Aqtaý qalasy men Beıneý eldi mekeni arasyndaǵy jolda KamAZ júk kóligi aýdarylyp, kóliktiń júrgizýshisi men onyń jolaýshysy oqıǵa ornynda mert boldy.
Sondaı-aq. Almaty oblysyna qarasty «Almaty-Astana» trassasynyń 218-shi shaqyrymynda «VAZ» kóligi aýdarylyp, kóliktegi jolaýshy oqıǵa ornynda o dúnıelik bolyp, 1 jastaǵy sábı aýrýhanaǵa jetkizildi.
Mamyrdyń 14-i kúni túnde Batys Qazaqstan oblysynda «Oral-Samara» avtojolynda «ÝAZ» jáne «Aýdı» kólikteri soqtyǵysyp qaldy. Jol-kólik oqıǵasynyń saldarynan bir adam baqıǵa attanyp, eki jolaýshy jaraqattandy.
