Ótken táýlikte Nur-Sultanda karantın rejımi 37 ret buzyldy
NUR-SULTAN. QazAqparat - Ótken táýlikte Nur-Sultanda krantın rejımi 37 ret buzylǵan, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
Baspasóz qyzmeti taratqan málimetterge qaraǵanda, osy ýaqytta qalada «Ýchastok» jedel saýyqtyrý sharasy júrip jatyr. Onyń barysynda karantın rejımin buzý faktilerin anyqtaýmen aınalysatyn arnaıy mobıldi top qaladaǵy meıramhana, kompıýter klýbtary, dúkender sııaqty halyq jıi bas suǵatyn oryndardy tekserip jatyr.
Karantın rejımin buzý faktileriniń biri 9 qyrkúıekte «FAKIR» kalıan barynan anyqtaldy. Atalmysh nysanda karantın shekeýlerine qaramastan onda kelýshilerge kalıan shegýge ruqsat berilgen. Zań buzýshylarǵa qatysty QR Ákimshilik quqyqbuzýshylyq týraly kodeksiniń 441 baby 1 bóligi boıynsha hattama toltyryldy. Sondaı-aq bar ákimshiligi de QR Ákimshilik quqyqbuzýshylyq týraly kodeksiniń 441 baby 3 bóligi boıynsha ákimshilik jaýapqa tartylyp, 25 aılyq eseptik kórsetkish kóleminde aıyppul salyndy.
Sondaı-aq osy kúni saǵat 23:30-dar shamasynda Edil kóshesinde ornalasqan «Pinqwin» boýlıng ortalyǵy tıisti shekteýlerge qaramastan jumysyn jalǵastyra bergen. Ǵımartta tekserýshiler barǵan kezde 15 klıent pen ortalyq qyzmetshileri júrgen. Olar ózar ara qashyqtyqty saqtamaı, osy árketteri arqyly Bas sanıtarııa dárigeri qaýlysynyń talaptaryn buzdy.
Tekserý barysynda kásipkerlik nysandaryna qatysty jınalǵan materıaldar ákimshilik jaýapqa tartý úshin taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
Nur-Sultan qalalyq Polıtsııa dpartamenti karantın rejımin saqtamaǵan jaǵdaıda koronavırýs ınfektsııasynyń taraý qaýipi týyndaıtynyn jáne ol úshin jaýapkershilik qarastyrylǵanyn eske saldy.
