Ótken táýlikte Kóliktegi ishki ister departamentiniń qyzmet kórsetý aımaǵynda 10 qylmys tirkelip, onyń 8-niń izi sýymaı ashyldy
ASTANA. 10 qańtar. QazAqparat - «Ótken táýlikte Іshki ister mınıstrliginiń Kóliktegi ishki ister departamentiniń qyzmet kórsetý aımaǵynda 10 qylmys tirkelip,
onyń 8-niń izi sýymaı ashyldy», dep habarlaıdy vedomstvonyń baspasóz qyzmeti.
Keshe 18.20 shamasynda Almaty-1 stansasyndaǵy Jelilik ishki ister bólimine Almaty qalasynyń 1958 jylǵy K. esimdi azamattan shaǵym túsip, ol «Almaty-Pavlodar» baǵytyndaǵy №32 jolaýshylar poıyzynyń №20 vagonynan aıaq kıiminiń urlanǵandyǵyn málimdegen. Jedel-izdestirý sharalarynyń barysynda JІІB Krımınaldyq polıtsııa bóliminiń qyzmetkerleri osy iske qatysy bar Almaty qalasynyń esh jerde jumys istemeıtin jáne buryn isti bolmaǵan 1962 jylǵy A. esimdi azamatyn ustady. Odan zattaı aıǵaqtar tabyldy.
