Ótken táýlikte KІІD qyzmet kórsetý aýmaǵynda úsh qylmys tirkelip, onyń ekeýi ashyldy
ASTANA. 4 naýryz. QazAqparat - Ótken táýlik ishinde KІІD qyzmet kórsetý aýmaǵynda 3 qylmys tirkelip, onyń ishinde 2 qylmys ashyldy.
Qoǵamdyq oryndarda qylmystarǵa jol berilgen joq, dep habarlady atalmysh departamenttiń baspasóz qyzmeti.
Atap aıtqanda, keshe 00.10 saǵatta Aqtóbe stansasynyń temirjol vokzalynda jedel-izdestirý sharalaryn júrgizý barysynda Jelilik ishki ister basqarmasynyń qyzmetkerleri vokzal ǵımaratynyń úshinshi qabatynda ornalasqan meımanhananyń 39-ynshy bólmesinde Qandyaǵash qalasynyń kásibı-tehnıkalyq lıtseıleriniń biriniń birinshi kýrsynda oqıtyn 1995 jylǵy B. esimdi kámeletke tolmaǵan azamatty quryqtady. Odan polıtseıler nómiri joq 16 kalıbrli bir uńǵyly ańshy myltyǵyn tárkiledi. Saraptama taǵaıyndaldy. Ustalǵan jetkinshek Kámeletke tolmaǵandardy ýaqytsha oqshaýlaý, ońaltý jáne beıimdeý ortalyǵyna qamaldy.
