Ótken táýlikte Qazaqstanda 6 adam órtten zardap shekti
ASTANA. QazAqparat - Almaty oblysynda jeke sektordaǵy turǵyn úı otqa oranyp, egde jastaǵy jup japa shekti, dep habarlady QR TJM baspasóz qyzmeti.
Tótenshe jaǵdaı Eńbekshiqazaq aýdany Esik aýylynda tús kezinde oryn aldy. Qyzyl jalyn 106 sharshy metr aýmaqty sharpydy. Úıdegi zeınetkerler kúıiktermen aýrýhanaǵa tústi.
Petropavlda kóp qabatty úılerdiń birinde elektr symdary kúıip, ot 7 sharshy metr aýmaqqa jaıylǵan. 4 adam qutqarylyp, 20 turǵyn qaýipsiz jerge shyǵaryldy. 57 jastaǵy azamat gazdan ýlanyp aýrýhanaǵa jetkizildi.
Soltústik Qazaqstan oblysy Krıvoşekovo aýylyndaǵy baspanada órt shyǵyp, 63 jastaǵy azamat gazdan ýlandy. Qyzyl jalyn 54 sharshy metrdi sharpydy.
Semeıde 3 qabatty ǵımarat otqa orandy. Nysan Qorǵanys isteri jónindegi basqarma men «Tehtsentr» JShS ornalasqan mekeme edi. Tilsiz jaý birinshi qabattaǵy qoıma retinde paıdalanyp júrgen elektr tustama ornalasqan jerde paıda bolǵan. Ot 20 sharshy metr aýmaqqa jaıylyp, 8 adam qaýipsiz jerge shyǵaryldy. Japa shekkender joq.
Astanada pesh aqaýlyǵynan jeke sektordaǵy turǵyn úıdegi 2 adam japa shekti. Gazdan ýlanǵan ol ekeýi aýrýhanaǵa jetkizildi.
