Ótken táýlikte qar qursaýynan 687 adam qutqaryldy jáne evakýatsııalandy

NUR-SULTAN. QazAqparat – Qazirgi ýaqytta aýa raıy nasharlaýyna baılanysty (boran, nashar kóriný) avtojoldardyń 21 ýchaskesinde, onyń ishinde 11 respýblıkalyq (Nur-Sultan qalasy, Aqmola, Shyǵys Qazaqstan, Qaraǵandy, Qostanaı jáne Pavlodar oblystary) jáne 10 oblystyq mańyzy bar avtojol ýchaskelerinde (Aqmola, Almaty, Qostanaı oblystary) jol jabyldy, dep habarlaıdy QazAqparat QR TJM baspasóz qyzmetine silteme jasap.

Ótken táýlikte Nur-Sultan qalasynda, Aqmola, Aqtóbe, Pavlodar, Qaraǵandy, Qostanaı oblystarynda qar qursaýynan 687 adam, onyń ishinde 114 bala qutqaryldy jáne evakýatsııalandy. Nur-Sultan qalasynda, Aqtóbe jáne Qaraǵandy oblystarynda 36 birlik tehnıka men 1 avtobýs qar qursaýynan súırep shyǵaryldy. Avarııalyq-qutqarý jumystaryna barlyǵy TJM, ІІM, JAO, jol qyzmetteriniń 578 adam men 373 tehnıkasy jumyldyryldy.

Máselen, 23 naýryzda saǵat 13.00-20.00 aralyǵynda Aqmola oblysynyń úsh aýdanynda Nur-Sultan qalasy TJD qutqarýshylary qar qursaýynan 80 adamdy, onyń ishinde 22 balany qutqaryp, jaqyn jerdegi eldi mekenge jetkizdi. Qutqarylǵandar medıtsınalyq kómekti qajet etpedi. Avarııalyq-qutqarý jumystaryna Nur-Sultan qalasy TJD 15 qutqarýshysy men 3 birlik tehnıkasy jumyldyryldy.

Saǵat 14.00-22.30 aralyǵynda Aqmola oblysynyń tórt aýdanynda TJD qutqarýshylary qar qursaýynan 99 adamdy, onyń ishinde 22 balany qutuqaryp, jaqyn jerdegi eldi mekenge jetkizdi. Qutqarylǵandar medıtsınalyq kómekti qajet etpedi. Avarııalyq-qutqarý jumystaryna Aqmola oblysy TJD 18 qutqarýshysy men 5 tehnıkasy, jergilikti atqarýshy organnyń 3 qyzmetkeri men 3 tehnıkasy tartyldy.

Saǵat 21.40-23.00 aralaǵynda Áıteke bı aýdanynda Aqtóbe oblysy TJD qutqarýshylary qar qursaýynan 10 jeńil avtomobıldi avtojoldyń tazartylǵan ýchaskesine súırep shyǵardy. Avtokólikte 32 adam, onyń ishinde 3 bala bolǵan. Olarǵa medıtsınalyq kómek qajet bolmady. Avarııalyq-qutqarý jumystaryna TJD 4 qutqarýshysy men 2 tehnıkasy, jergilikti atqarýshy organnyń 1 qyzmetkeri men 1 tehnıkasy jumyldyryldy.

Saǵat 10.00-22.30 aralyǵynda TJD qutqarýshylary Qaraǵandy oblysynyń bes aýdanynda 33 adamdy, onyń ishinde 6 balany qutqardy. 50 adamdy, onyń ishinde 4 balany jaqyn jerdegi eldi mekenge evakýatsııalady. Olarǵa medıtsınalyq kómek qajet bolmady. Avarııalyq-qutqarý jumystaryna TJD 16 qutqarýshysy men 10 tehnıkasy, jergilikti polıtsııa qyzmetiniń 54 qyzmetkeri men 27 tehnıkasy, jergilikti atqarýshy organnyń 78 qyzmetkeri men 50 tehnıkasy tartyldy.

Saǵat 13.30-23.45 aralyǵynda Qostanaı oblysynyń úsh aýdanynda TJD qutqarýshylary uar qursaýynan 70 adamdy, onyń ishinde 19 balany qutqaryp, jaqyn jerdegi eldi mekenge jetkizdi. Qutqarylǵandar medıtsınalyq kómekti qajet etpedi. Avarııalyq-qutqarý jumystaryna Qostanaı oblysy TJD 8 qutqarýshysy men 3 tehnıkasy, jergilikti atqarýshy organnyń 1 qyzmetkeri men 1 tehnıkasy jumyldyryldy.

Halyqqa aldyn ala eskertý maqsatynda aýa raıynyń nasharlaıtyny týraly 118 SMS-habarlama jáne «Dármen» mobıldi qosymshasy arqyly 48 habarlama taratyldy.

TJM azamattarǵa aýa raıy boljamymen tanysyp, asa qajet bolmasa eldi mekennen shyqpaýǵa keńes beredi. Aýa raıy nasharlap, jolda qalyp qoısańyz 112 qutqarý qyzmetiniń biryńǵaı telefon nómirine habarlasýǵa bolady.