Ótken táýlikte ІІM Kóliktegi ishki ister departamentiniń qyzmet kórsetý aımaǵynda 8 qylmys tirkeldi
ASTANA. 29 aqpan. QazAqparat - «Ótken táýlikte Іshki ister mınıstrliginiń Kóliktegi ishki ister departamentiniń qyzmet kórsetý aımaǵynda 8 qylmys tirkeldi»,dep habarlady vedomstvonyń baspasóz qyzmeti.
Tirkelgen qylmystardyń 5-ýi krımınaldyq jelisi boıynsha, olardyń 4-niń izi sýymaı ashyldy. Sondaı-aq 27 aqpan kúni Temirtaý qalasynda arnaıy júrgizilgen jedel-izdestirý sharalarynyń barysynda 1987 jyly týylǵan jergilikti turǵyn ustaldy. Ol ótken jyly 11 jeltoqsanda Qaraǵandy oblysynda S. esimdi azamattan 9 keli 547 gramm keptirilgen marıhýana satyp alǵan. Kúdiktiniń turǵylyqty jerin tekserý barysynda 61,50 keli keptirilgen marıhýana tabyldy. Qazirgi tańda ol ýaqytsha ustaý oqshaýlaǵyshyna qamaldy.
