Ótken táýlikte elimizde kólik qaqqan 3 júrginshi qaza tapty, olardyń biri - 3 jastaǵy sábı
ASTANA. Maýsymnyń 2-si. QazAqparat - Ótken táýlikte elimizde kóliktiń astyna túsip 3 júrginshi qaza tapsa, olardyń biri - 3 jastaǵy sábı,
dep habarlady QR Tótenshe jaǵdaılar mınıstrliginiń baspasóz qyzmetinen.
Maýsymnyń 1-i kúni túngi saǵat 00:30-da «Almaty-Tashkent» avtojolynyń 447-shi shaqyrymynda «Folksvagen» kóligi 38 jastaǵy azamatty qaǵyp ketip, oqıǵa saldarynan júrginshi mert boldy.
Sondaı-aq osy kúni OQO Saıram aýdanynda, Pýshkın men Ámir Temir kósheleriniń qıylysynda «Aýdı» kóligi 13 jáne 3 jastaǵy eki qyzdy qaǵyp ketti. Aýyr jaraqat alǵan eki bala da aýrýhanada kóz jumdy.
