Ótken táýlikte elimizde 29 adam men 10 tehnıka qar qursaýynan shyǵaryldy
NUR-SULTAN. QazAqparat - 2021 jyldyń 8 aqpanynda Aqmola, Almaty, Shyǵys Qazaqstan, Qaraǵandy, Qostanaı oblystarynyń oblystyq jáne respýblıkalyq mańyzy bar avtojoldarda qar qursaýynan 29 adam qutqaryldy, 10 jeńil jáne júk avtomashınasy men avtobýs shyǵaryldy.
Bul týraly QR Tótenshe jaǵdaılar mınıstrliginiń resmı ókili Talǵat Ýálı habarlady.
Avarııalyq-qutqarý jumystaryn júrgizýge tótenshe jaǵdaılar departamentteriniń, jol qyzmetteriniń kúshteri men quraldary jumyldyryldy.
«Qazgıdromet» RMK derekteri boıynsha, Nur-Sultan qalasynda, Aqmola, Aqtóbe, Almaty, Shyǵys Qazaqstan, Jambyl, Qostanaı, Qaraǵandy, Qyzylorda, Pavlodar, Túrkistan jáne Soltústik Qazaqstan oblystarynda 12 aýa raıyna baılanysty eskertý jarııalandy.
Qazirgi ýaqytta aýa-raıynyń nasharlaýyna baılanysty (boran, qar, kórinýdiń nasharlaýy, kóktaıǵaq) elimizdiń 5 óńirinde respýblıkalyq mańyzy bar avtojoldardyń 9 ýchaskesi jabyldy.
Halyqty evakýatsııalaý úshin joldardyń jabyq ýchaskelerinde 108 jylytý pýnkti daıyndaldy. Avtomashınalar keptelisi bolǵan jerde TJD ýaqytsha jylytý pýnktterin qoıdy (3 birlik Kýng avtokóligi).
7 aqpannan bastap TJM ahýaldyq ortalyǵynda respýblıkalyq jedel shtab jumys isteýde. Onyń quramyna «Qazavtojol» UK AQ jáne «Qazaqavtodor» JShS de kirdi.
Aqmola, Qaraǵandy jáne Pavlodar oblystarynda da osyndaı shtabtar jumys isteýde.
Shuǵyl jumystarǵa barlyǵy TJM, ІІM, jol qyzmetteri men jergilikti atqarýshy organdardan 372 adam men 171 birlik tehnıka jumyldyryldy.
Halyqqa eskertý maqsatynda aýa raıynyń nasharlaýy týraly 16-SMS habarlama taratyldy, «Dármen» mobıldi qosymshasy arqyly 19 habarlama jiberildi.
Respýblıkalyq jedel shtab pen óńirlerde (Aqmola, Qaraǵandy jáne Pavlodar oblystarynda) halyqqa ýaqtyly aqparattyq-psıhologııalyq kómek kórsetý úshin «Jedel baılanys jelisi» ashyldy. TJM:717 2 53 32 84, Aqmola oblysy TJD: 8 716 2 55 14 84, Qaraǵandy oblysy TJD: 8 721 2 51 72 23, Pavlodar oblysy TJD: 8 718 2 20 11 12.
