Ótken táýlikte elge ushaqpen kelgen 3336 jolaýshynyń bárinde PTR anyqtama boldy
NUR-SULTAN. QazAqparat - 2021 jyldyń 27 mamyrynda Qazaqstan Respýblıkasynyń aýmaǵyna BAÁ, Mysyr, Túrkııa, Grýzııa,Reseı Federatsııasy, Ýkraına, Iran, Monǵolııa, Ózbekstan jáne Qyrǵyzstannan 24 halyqaralyq áýe reısi keldi, dep habarlaıdy Sanıtarııalyq - epıdemıologııalyq baqylaý komıteti.
Ótken táýlikte 3 336 avıajolaýshy keldi. Onyń ishinde:
Almaty qalasynyń áýejaıyna – 11 reıs, 1 558 jolaýshy;
Nur-Sultan qalasynyń áýejaıyna – 6 reıs, 1163 jolaýshy;
Shymkent qalasynyń áýejaıyna – 2 reıs, 246 jolaýshy;
Aqtaý qalasynyń áýejaıyna – 2 reıs, 292 jolaýshy;
Atyraý qalasynyń áýejaıyna – 1 reıs, 70 jolaýshy;
Qaraǵandy qalasynyń áýejaıyna – 1 reıs, 2 jolaýshy;
Qostanaı qalasynyń áýejaıyna – 1 reıs, 5 jolaýshy.
Barlyq jolaýshylar COVID-19-ǵa PTR testileý týraly anyqtamamen kelgen.
