Ótken táýlikte elde 10 adam, sonyń ishinde 7 bala ıis tıip ýlandy
ASTANA. 21 jeltoqsan. QazAqparat - Ótken táýlikte elde 10 adam, sonyń ishinde 7 bala ysty gazǵa ýlanyp, aýrýhanaǵa tústi.
Bul týraly QR TJM-nyń baspasóz qyzmetinen málim etti.
Peshtiń aqaýy saldarynan oryn alǵan oqıǵalardyń biri Astana qalasynda, áýejaıdyń 4-inshi shaqyrymyndaǵy saıajaılyq jer úıde boldy. Aýrýhanaǵa 1, 6 jáne 7 jasar úsh bala jetkizildi.
Al Almatynyń Shańyraq-2 shaǵynaýdanynda bútin bir otbasy ıis tıip ýlandy. 7 adam, sonyń ishinde jańa týǵan náreste, 1 jasar - eki, 2 jasar - bir sábı kómek kórsetý úshin medıtsınalyq mekemege jatqyzyldy.
