Ótken táýlikte el joldarynda 5 adam qaza taýyp, bireýi zardap shekti - TJM
STANA. Mamyrdyń 5-i. QazAqparat - Ótken táýlikte el joldarynda 5 adam qaza taýyp, bireýi zardap shekti,
dep habarlady QR TJM-nan.
Mamyrdyń 4-i kúni, Ekibastuz qalasy «Ekibastuz-Atyǵaı» avtojolynyń 2-shi shaqyrymynda «VAZ» jáne «TsZE-FAI» kólikteri soqtyǵysyp qaldy. Onyń saldarynan birinshi mashınanyń júrgizýshisi men onyń 27 jastaǵy jolaýshysy mert boldy.
Qaraǵandy oblysy Buqar jyraý aýdany «Qaraǵandy-Shahtınsk» avtojolynda, «Aýdı» kóliginiń júrgizýshisi rólge ıe bola almaı, onyń aýdarylýyna jol bergen. 42 jastaǵy júrgizýshi tilge kelmesten apat ornynda jan tásilim etti.
Júrgizýshilerdiń jaıaý júrginshilerge qatysty nemquraıdylyǵynan bolǵan jol-kólik oqıǵalarynda eki adamnyń ómiri qyrshyn ketti. Máselen, Taraz qalasynyń Balýan Sholaq jáne Abaı kósheleriniń qıylysynda «VAZ» mashınasyn basqarǵan 23 jastaǵy azamat, 75 jastaǵy qart pen 11 jastaǵy jasóspirimdi qaǵyp ketken. Eki júrginshi de alǵan jaraqattardan mert boldy.
Al Astana qalasynyń Saryarqa aýdany Kóktal-2 shaǵynaýdanynda 6 jasar bala kólik dóńgeleginiń astyna túsip qaldy. Qazir búldirshin aýrýhanada jatyr.
