Ótken táýlikte el joldarynda 1 adam mert bolyp, 7 adam zardap shekti - TJM
ASTANA. Aqpannyń 9-y. QazAqparat - Ótken táýlikte el joldarynda 1 adam qurban bolyp, 7 adam zardap shekti, dep habarlady QR TJM-nyń baspasóz qyzmetinen.
Vedomstvo baspasóz qyzmetiniń derekterine qaraǵanda, aqpannyń 8-i kúni Shymkent qalasynda «BMV» avtokóligin mingen 20 jastaǵy júrgizýshi 27 jastaǵy qyzdy qaǵyp ketken, jaıaý júrginshi oqıǵa ornynda mert boldy.
Sondaı-aq Jambyl oblysy T.Rysqulov atyndaǵy aýdandy basyp ótetin «Almaty-Tashkent» avtojolynyń 459-shy shaqyrymynda «Aýdı» jáne «Folksvagen» kólikteriniń soqtyǵysýy oryn aldy. Apatta úsh adam zardap shegip, aýrýhanaǵa jetkizildi.
Al Qaraǵandy oblysy Balqash qalasyndaǵy Balqash taý-metallýrgııalyq kombınaty kópiriniń aýmaǵynda «Mazda» kóligin basqarǵan 20 jastaǵy júrgizýshi kóliktiń aýdarylýyna jol berip, onyń saldarynan 19-21 jas aralyǵyndaǵy tórt jolaýshy túrli jaraqattarmen aýrýhanaǵa tústi.
