Ótken táýlikte el óńirlerinde órt kezinde eki adam qaza bolyp, bireýi zardap shekti
ASTANA. QazAqparat - Ótken táýlikte el óńirlerinde órt kezinde bir áıel men bala qazaǵa ushyrady, taǵy bir bala zardap shekti, dep habarlady QR TJM baspasóz qyzmeti.
Ońtústik Qazaqstan oblysynyń Túrkistan qalasynda jeke turǵyn úıde órt shyqty. Jalyndy óshirýge QR TJM Ońtústik Qazaqstan oblysy TJD órt sóndirý qyzmetiniń 11 adamy men 2 birlik tehnıkasy jumyldyryldy. Órt 50 sharshymetr aýmaqty sharpydy. Oqıǵa ornynan 50 jastaǵy áıeldiń máıiti tabyldy.
Shyǵys Qazaqstan oblysynyń Qaton-Qaraǵaı aýdanyndaǵy Aqqaınar aýylynda jeke turǵyn úıde órt boldy. Jalyndy sóndirýge QR TJM Shyǵys Qazaqstan oblysy TJD órt sóndirý qyzmeti jeke quramynyń 6 adamy men 1 birlik tehnıka jumyldyryldy. Órt aýmaǵy 60 sharshymetrdi sharpydy. Oqıǵa ornynan 7 jasar balanyń máıiti tabyldy. Taǵy bir 4 jasar bala kúıik jaraqatymen aýrýhanaǵa jetkizildi.
