Ótken táýlikte el aımaqtarynda órt saldarynan úsh adam kóz jumdy, ekeýi zardap shekti - QR TJM
ASTANA. QazAqparat - Ótken táýlikte el aımaqtarynda órt saldarynan úsh adam qaza boldy, ekeýi zardap shekti, dep habarlady QR TJM baspasóz qyzmeti.
Astana qalasynda jeke úıde 50 lıtrlik gaz ballonynynń redýktoryn qondyrý kezinde gaz-aýa qosyndysy jarylyp, 38 jastaǵy er adam kúıik jaraqatymen aýrýhanaǵa jetkizildi.
Aqsý qalasyndaǵy 5 qabatty úıdiń 3-shi qabatynda bolǵan órt saldarynan da 80 jastaǵy keıýana zardap shegip, aýrýhanaǵa jatqyzyldy.
Atyraý qalasynda jeke úıde órt shyqty. Jalyndy sóndirýge QR TJM Atyraý oblysy TJD órt sóndirý qyzmetiniń 11 adamy men 3 birlik tehnıkasy jumyldyryldy. Órt 12 sharshy metr aýmaqty qamtydy. Órt ornynan 47 jastaǵy er adamnyń máıiti tabyldy.
Pavlodar oblysynyń Ýspen aýdanyndaǵy Ýspen aýylynda jeke úıden shyqqan órtti sóndirýge QR TJM Pavlodar oblysy TJD órt sóndirý qyzmetiniń 4 adamy men 2 birlik tehnıkasy jumyldyryldy. Órt aýmaǵy 100 sharshy aýmaqty qamtydy. Órt ornynan 81 jastaǵy keıýananyń máıiti tabyldy.
Batys Qazaqstan oblysynyń Bórli aýdanyndaǵy Tıhonovka kentinde turǵyn úıden órt shyqty. Jalyndy aýyzdyqtaýǵa QR TJM Batys Qazaqstan oblysy TJD órt sóndirý qyzmetiniń 5 adamy men 2 birlik tehnıkasy tartyldy. Órt aýmaǵy 70 sharshy metrdi sharpydy. Órt ornynan 45 jastaǵy er adamnyń máıiti tabyldy.
