Ótken táýlikte el aýmaǵynda eki bala sýǵa ketip, kóz jumdy
ASTANA. 1 maýsym. QazAqparat - Ótken táýlikte el aýmaǵynda eki bala sýǵa ketip, kóz jumdy, dep habarlady QR TJM-niń baspasóz qyzmetinen.
Beısenbi, 31 mamyr kúni Aqtóbe oblysyndaǵy Yrǵyz kóline shomylý kezinde 14 jastaǵy jasóspirim sýǵa batyp ketti. Onyń denesi QR TJM Aqtóbe oblysy boıynsha TJD «Órt sóndirý jáne apattyq-qutqarý jumystarynyń qyzmeti» MM-niń 5 adamy men 1 tehnıkasynyń kómegimen shyǵaryldy.
Sol kúni Almaty oblysyndaǵy Qaraoı kentiniń mańynda 4 jasar bala abaısyzda kólge qulap, sýǵa batyp ketti. Onyń múrdesin sýdan oqıǵa kýágerleri shyǵardy.
