Ótken táýlikte boıjetken, 7 jasar bala men bir jigit sýǵa batyp ketti - QR TJM
ASTANA. 8 tamyz. QazAqparat - Ótken táýlikte boıjetken, 7 jasar bala jáne bir jigit sýǵa batyp ketti, dep habarlaıdy QR TJM-niń baspasóz qyzmetinen.
Seısenbi, 7 tamyz kúni Qyzylorda oblysynyń Syrdarııa ózenine shomylý kezinde 21 jastaǵy boıjetken batyp ketti. Onyń denesi QR TJM Qyzylorda oblysy boıynsha TJD sý-qutqarý qyzmetiniń 4 adamy men 1 tehnıkasynyń kómegimen izdestirilýde.
Batys Qazaqstan oblysy Tasoba kentiniń mańynan aǵyp ótetin Jaıyq ózenine 7 jasar bala batyp ketti. Onyń múrdesin sýdan jergilikti turǵyndar alyp shyqty.
Sol kúni Soltústik Qazaqstan oblysyndaǵy Sergeevka qalasyndaǵy Esil ózenine shomylý kezinde 15 jastaǵy bozbala batyp ketti. Onyń máıiti jer betine QR TJM Soltústik Qazaqstan oblystyq TJD sý-qutqarý qyzmetiniń 4 adamy men 1 tehnnıkasynyń kómegimen shyǵaryldy.
