Ótken táýlikte Astanadan shamamen 15 myń tekshe metr qar shyǵaryldy
ASTANA. QazAqparat - Ótken táýlikte Astana qalasynan shamamen 15 myń tekshe metr qar shyǵaryldy. Bul týraly elorda ákimdiginiń resmı saıtynda habarlandy.
Ondaǵy málimetterge qaraǵanda, 12 jeltoqsanda qalany qardan tazalaýǵa 398 jumysker shyqty.
«Astana Tazalyqtyń» aqparaty boıynsha qar tazalaý jumystaryna 398 arnaıy tehnıka jumyldyrylǵan.
«Qala syrtyna shyǵarylǵan qardyń jalpy kólemi 15 210 tekshe metrdi quraıdy. «Astana Tazalyq» qardyń 2 653, ózge mekemeler 11 367, «Astana kógaldandyrý qurylysy» 1 190 tekshe metrin shyǵardy», - delingen habarlamada.
16 qazan men 12 jeltoqsan aralyǵynda qala syrtyna shyǵarylǵan qardyń jalpy kólemi 796 936 tekshe metrdi quraıdy. Bir táýlikte qum-tuz aralas qospanyń 33, 13 qazan men 12 jeltoqsan aralyǵynda 10 811,5 tekshe metri shashyldy.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha qalalyq iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.
