Ótken táýlikte Astanadan 20 myńnan astam tekshe metr qar shyǵaryldy
ASTANA. QazAqparat - Keshe qalany qardan tazalaýǵa mamandandyrylǵan tehnıkanyń 602 birligi jumyldyryldy, dep habarlaıdy elorda ákimdiginiń resmı saıty.
«Astana Tazalyq» JShS málimetinshe, 30 jeltoqsanda qalany qardan tazalaýǵa 307 jumysker shyqty. «Qala syrtyna shyǵarylǵan qardyń jalpy kólemi 21 106 tekshe metrdi quraıdy. «Astana Tazalyq» qala syrtyna qardyń 12 100, ózge mekemeler 8606, «Astana kógaldandyrý qurylysy» 400 tekshe metrin shyǵardy», - delingen «Astana Tazalyq» kompanııasynyń habarlamasynda.
16 qazan men 30 jeltoqsan aralyǵynda shyǵarylǵan qardyń jalpy kólemi 992 450 tekshe metrdi quraıdy. 13 qazannan 30 jeltoqsan aralyǵynda qum-tuz aralas qospanyń 12 296,5 tekshe metri shashyldy. Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha qalalyq iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.
Sondaı-aq, iKomek ortalyǵyna kelesi ádister boıynsha habarlasýǵa bolady: Telegram-daǵy: https://t.me/astanaikomek109_bot chat-boty; astana.gov.kz ákimdik saıty Áleýmettik jelilerdegi jarııalanymdardy #astana109 heshtegimen belgileý:
Facebook www.facebook.com/astana109/ Instagram www.instagram.com/astana109/ Telegram-kanalhttps://t.me/astana109112
