Ótken táýlikte Almaty oblysynda 65 adamnan koronavırýs anyqtaldy
TALDYQORǴAN. QazAqparat - Ótken táýlikte Almaty oblysynda 65 adamnan koronavırýs anyqtaldy, dep habarlaıdy QazAqparat tilshisi.
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti jarııalaǵan habarlamadaǵy aqparatqa sáıkes, Taldyqorǵan qalasynda 17 jaǵdaı, Talǵar aýdanynda – 9, Eńbekshiqazaq, Sarqan aýdandarynda – 6 Jambyl jáne Qarasaı aýdandarynda – 4, Eskeldi, Іle, Kerbulaq aýdandarynda – 3, Kóksý, Panfılov, Uıǵyr aýdandarynda – 2, Balqash, Qaratal aýdandary men Qapshaǵaı, Tekeli qalalarynda 1 jaǵdaıdan koronavırýs tirkelgen.
Sondaı-aq 127 adam jazylyp shyqty. Óńir «jasyl» aımaqta.
«Aýrýhanalarda 1135 adam em qabyldaýda. Sonyń 42-niń jaǵdaıy aýyr. 1 táýlikte 74 adam em qabyldaýǵa jatqyzyldy. Juqpaly aýrýlar statsıonarlaryndaǵy oryndar 46,1 %-ke tolǵan.
Sońǵy 3 kúnde 6234 adamnyń synamalary PTR- zerthanalarda tekserildi. Naýqastarmen qarym-qatynasta bolǵan 28 adam anyqtalyp, barlyǵy úı karantınine jáne medıtsına qyzmetkerleriniń baqylaýyna alyndy», -delingen vedomstvonyń taratqan habarlamasynda.
Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 223 677. Sonyń ishinde ótken kúni ekpe alǵandar sany – 594. Ekpeniń 2-shi komponentin alǵandar sany – 133 270. Sonyń ishinde keshe 1155 adam vaktsına saldyrdy.
