Ótken táýlikte Almaty oblysynda 224 adam koronavırýstan jazyldy
TALDYQORǴAN. QazAqparat - Ótken táýlikte Almaty oblysynda 224 adam koronavırýstan jazylyp shyqty, - dep habarlaıdy QazAqparat tilshisi.
Óńir «sary» aımaqta.
«Ótken táýlikte Almaty oblysynda 70 adam KVI juqtyrǵany anyqtaldy. Sonyń ishinde Taldyqorǵan qalasynda 27 jaǵdaı, Tekeli qalasynda – 12, Talǵar aýdanynda – 9, Qaratal aýdanynda – 6, Alakól aýdanynda – 5, Eskeldi jáne Kerbulaq aýdandarynda 3 jaǵdaıdan, Eńbekshiqazaq jáne Jambyl aýdandarynda 2 jaǵdaıdan, Uıǵyr aýdanynda 1 jaǵdaı tirkeldi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
14-aqpandaǵy jaǵdaı boıynsha óńirde 710 adam statsıonarlyq em qabyldaýda. Bir táýlikte aýrýhanalarǵa 27 adam tústi. Óńirdiń aýrýhanalaryndaǵy tósek oryndar sany – 2780. Tósek-oryn júktemesi – 25,5 %. Jansaqtaý bóliminde 20 adam em qabyldaýda. Jansaqtaý bólimindegi tósek oryndardyń júktemesi 7,1 % quraıdy (280 jatyn oryn).
Sońǵy 3 kúnde 5162 adamnyń koronavırýsqa synamalary zerthanalarda tekserildi.
Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 971 157. Sonyń ishinde ótken kúni ekpe alǵandar sany – 2181. Ekpeniń 2-shi komponentin alǵandar sany – 881 917. Sonyń ishinde ótken kúni ekpe alǵandar sany 557 adam.
