Ótken táýlikte Aqtóbede 6 adamnan koronavırýs ınfektsııasy anyqtaldy
Ótken táýlikte óńirde 6 adamnan koronavırýs ınfektsııasy anyqtaldy. Aqtóbe qalasy men Mártók aýdanynyń turǵyndary aýrýdyń sımptomdy túrine shaldyqqan. Aýrýshańdyqtyń ósý deńgeıi - 0,2% quraıdy. Jalpy oblysta 3904 jaǵdaı tirkeldi. Onyń 95 paıyzdan astamy jazyldy. Qazir 300-den astam adam úı karantıninde. Olar dárigerler baqylaýynda.
«Kún saıyn orta eseppen 10 adam túsip jatyr. Kóbi 70-80 paıyzy egde jasta. Qan qysymy, qant dıabeti, ókpe aýrýynyń sozylmaly túrine shaldyqqandar úshin koronavırýs ınfektsııasyn kóterý qıyn. Ólim-jitim de osy toptaǵy adamdar arasynda tirkelýde. Kóbi sol sozylmaly aýrýym belgi berdi dep, aldanyp qalady. 10-15 kún, keıbiri bir aı ótkende dáriger kómegine júgingen. Ýchaskelik dárigerge qaralmaıdy. Qańtar aıynda jasóspirimder arasynda da koronavırýs ınfektsııasy, pnevmonııa tirkeldi. Jaz aılarynda óte sırek kezdesetin ári olar dertti jeńil ótkerdi. Qazir olar da aýrýhanaǵa túsip jatyr. Júkti áıelder de asa saq bolýy kerek. Olar áleýmettik araqashyqty saqtamaıdy, dúken aralap júredi. Qonaqqa barýǵa, qydyrýǵa bolmaıdy. Qazir bútin otbasymen aýyratyndar bar. Ata-ájesinen bastap, bala-nemeresimen dáriger kómegine júginedi. Suraǵan kezde qydyrǵanyn rastaıdy. Kúnde eskertý bersek de qulaq aspaıtyny masqara jaǵdaı», - dedi oblystyń bas ınfektsıonıst dárigeri Meırambek Qurmanǵazın.
Infektsıonıst tek ókpeni emes, ózge dene múshesiniń zaqymdanyp jatqanyn alǵa tartty.
«Vırýs tek ókpeni emes, ózge aǵzany álsiretti. Úreıde otyrmyz, brıtandyq shtamm týraly da aıtyp jatyr. Tez taralady. Sondyqtan barynsha saq bolýǵa shaqyramyz. Eń ońaı ári nátıjeli saqtyq – áleýmettik araqashyqtyq. Maska taǵý, qoldy jýý», - dedi Meırambek Qurmanǵazın.
