Ótken táýlikte Aqtóbe oblysyndaǵy bolǵan dala órtteriniń aýmaǵy 170 gektarǵa jetti
ASTANA. Tamyzdyń 18-i. QazAqparat - Aqtóbe oblysy, Áıteke bı aýdanynda dala órtteri oryn alyp, ótken táýliktegi onyń aýmaǵy 170 gektarǵa jetti, dep habarlaıdy Qazaqstannyń Tótenshe jaǵdaılar mınıstrliginiń baspasóz qyzmeti.
Jalyn Aqtóbe oblysy, Áıteke bı aýdany, Besqudyq aýyldyq okrýginde dúısenbi kúni, saǵat 14.30-da bastalǵan. Órttiń aýmaǵy 80 gektar jerdi qurap, jalyn keshki saǵat 22.00-ge qaraı aýyzdyqtalǵan.
Dál sol kúni saǵat 16.20-da Aqtóbe oblysy, Áıteke bı aýdany, Saryat aýyldyq okrýginde órt oshaǵy tirkelgen. Bul órttiń aýmaǵy 90 gektar jerdi qurady. Tilsiz jaý seısenbi, tamyzdyń 17-si kúni túngi saǵat 02.01-de tolyqtaı sóndirildi.
Órt saldarynan zardap shekkender joq, dep habarlady TJM.
