Ótken táýlikte 724 adam qar qursaýynan qutqaryldy
NUR-SULTAN. QazAqparat – Elimizdiń 13 óńirinde daýyldy eskertý jarııalandy, dep habarlaıdy QazAqparat tilshisi.
«2021jylǵy 24 naýryzda «Qazgıdromet» RMK derekterine sáıkes, 13 óńirde (Nur-Sultan, Shymkent qalalary, Aqmola, Aqtóbe, Atyraý, Jambyl, Qaraǵandy, Qyzylorda, Mańǵystaý, Pavlodar, Túrkistan, ShQO jáne SQO) daýyldy eskertýler jarııalandy. Nur-Sultan qalasy, Aqmola jáne Qaraǵandy oblystarynyń TJD daǵdarys ortalyqtarynda jedel shtabtar jumys jasaýda. Qazirgi ýaqytta aýa raıynyń nasharlaýyna baılanysty (boran, qar, nashar kóriný) 5 óńirde, atap aıtqanda Nur-sultan qalasy, Aqmola, Qaraǵandy, Shyǵys Qazaqstan, Pavlodar oblystarynda respýblıkalyq mańyzy bar avtojoldardyń 16 ýchaskesi jáne oblystyq mańyzy bar avtojoldardyń 37 ýchaskesinde jol jabyq», - delingen elimizdiń Tótenshe jaǵdaılar mınıstrligi taratqan aqparatta.
Vedomstvo málimetinshe, Nur-Sultan qalasy, Aqmola jáne Qaraǵandy oblystaryndaǵy beketterde 232 tehnıka, onyń ishinde 154 júk jáne 78 jeńil tehnıka tur. TJM aýmaqtyq bólimsheleri ótken táýlikte Nur-Sultan qalasynda, Aqmola, Almaty, Qaraǵandy, Pavlodar oblystarynda qar qursaýynan 724 adamdy, onyń ishinde 111 balany qutqardy, 425 tehnıkany qardan shyǵardy. Aqmola jáne Qaraǵandy oblystarynyń jylytý pýnktterine 463 adam, onyń ishinde 75 bala ornalastyryldy.
Shuǵyl jumystarǵa TJM, ІІM, JAO jáne jol qyzmetteri barlyǵy 608 adam jáne 325 tehnıka jumyldyryldy. Halyqty eskertý maqsatynda aýa raıynyń nasharlaýy týraly 57 SMS-habarlama, «Dármen» mobıldik qosymshasy arqyly 53 habarlama jiberildi. El turǵyndary 112 jáne 101 pýltterine kómek suraý jáne aqparat alý úshin 6886 ret júgindi.
