Ótken táýlikte 2 náreste sanavıatsııamen shuǵyl aýrýhanalarǵa jetkizildi
NUR-SULTAN. QazAqparat – Ótken táýlikte «Qazavıaqutqarý» tikushaqtarymen 5 adam, sonyń ishinde eki 2 sábı aýrýhanalarǵa jetkizildi, dep habarlaıdy QazAqparat.
16 naýryzda QR TJM «Qazavıaqutqarý» óndiristik-dıspetcherlik qyzmetine ulttyq shuǵyl medıtsınany úılestirý ortalyǵynan naýqastardy shuǵyl tasymaldaýǵa kómek kórsetý úshin 5 jedel ótinim túsken.
Eldiń 5 óńirinde turaqty ornalasqan jerinen shaqyrtýǵa Eurocopter ES-145 jáne KA-32A11VS áýe kemeleri lezde ushyp shyqqan. Atap aıtqanda, Shyǵys Qazaqstan oblysynda Aqjar aýylynan jańa týǵan náresteni, Ka-32A11VS áýe kemesimen Almaty oblysynda Úsharal qalasynan áıeldi, Mańǵystaý oblysynda Jańaózen qalasynan náresteni, Pavlodar oblysynda Ekibastuz qalasynan qart er adamdy jáne Aqtóbe oblysy Hromtaý qalasynan qart áıeldi tasymaldady.
«Barlyq naýqastar jedel medıtsınalyq kómek kórsetý úshin aýrýhanalarǵa jetkizildi.
Naýqastardy tasymaldaý boıynsha barlyq ushýlar Ulttyq shuǵyl medıtsınany úılestirý ortalyǵynyń medıtsına qyzmetkerleri men «Qazavıaqutqarý» Tótenshe jaǵdaılar mınıstrliginiń avıatsııalyq qutqarý bólimshesi ushqyshtarynyń úılesimdi jumysynyń arqasynda kúndizgi ýaqytta jáne oqys oqıǵasyz sátti aıaqtaldy», - dedi QR Tótenshe jaǵdaılar mınıstrligi «Qazavıaqutqarý» baspasóz hatshysy Almaz Ǵabdýllın.
