Ótken táýlikte 130 aýlany sý basty - Almaty oblysy
TALDYQORǴAN. QazAqparat - Ótken táýlikte Almaty oblysynda 130 aýlany sý basqan. Tótenshe jaǵdaı Talǵar, Іle, Qarasaı, Jambyl, Eńbekshiqazaq aýdandarynda tirkelgen, dep habarlaıdy QazAqparat tilshisi.
«Aýlalardy sý basý jaǵdaıy ásirese Jambyl aýdanynyń Uzynaǵash aýylynda kóptep tirkeldi. Ótken táýlikte oqıǵa oryndarynda jalpy oblys boıynsha 81 maman oblystyq TJD jáne 86 adam jergilikti atqarýshy mekemeden jumys istedi. Osyǵan oraı 48 tehnıka jumyldyrylǵan. Aýlalardy sý basý jaǵdaıy aryqtardyń tazalanbaýynan, qar sýynyń erýinen jáne jerdiń tereń qatýyna baılanysty sýdyń sińbeýine oraı bolyp jatyr. Sonymen qatar, aryq aǵatyn jerlerge monsha, qora salyp tastaǵan. Sonyń saldarynan da aýlalar sýǵa tolyp jatyr. Turǵyndardan aryqtardy arshyp, tazalap otyrýdy suraımyz», dedi oblystyq TJD baspasóz qyzmeti.
Qutqarýshylardyń málimetinshe, aýlalardy sý basý qaýpi ásirese tústen keıin jıileıdi. Jalpy 25 aqpan kúni oblys boıynsha 130 aýlany sý basqan bolsa, 24 aqpan kúni osyndaı 66 jaǵdaı tirkelgen.
