Ótken táýlikte 10 qylmys tirkeldi - QR ІІM Kóliktegi ІІD
ASTANA. 14 jeltoqsan. QazAqparat - Ótken táýlik ishinde KІІD qyzmet kórsetý aýmaǵynda 10 qylmys tirkeldi, onyń ishinde krımınaldyq polıtsııa jelisi boıynsha - 7 qylmys, ashylǵany - 6, dep habarlady departamenttiń baspasóz qyzmeti.
Barlyǵy: adam zorlaý - 1 (ashyldy), urlyq - 3 (ekeýi ashyldy), tonaý - 1 (1), 2 esirtki qylmysy (ekeýi de ashyldy), onyń ishinde esirtki satýdyń bir faktisi tirkeldi.
2011 jyldyń 13 jeltoqsanynda «Arna-2011» jedel aldyn alý sharasy aıasynda arnaıy operatsııa júrgizý barysynda Qandyaǵash qalasynda Esirtki bıznesine qarsy kúres tobynyń qyzmetkerleri «keptirilgen marıhýana» esirtki zatynyń 5,04 gramyn ótkizgen Aqtóbe qalasynyń 1979 jylǵy azamatyn quryqtady. Jeke tintý kezinde odan «Satý» degen jazýy bar 3000 teńge aqsha tabyldy. Ony ýaqytsha oqshaýlaý abaqtysyna qamaý týraly másele sheshilýde.
