Ótken táýlik ishinde ІІM Kóliktegi ishki ister departamentiniń qyzmetkerleri 11 qylmys tirkedi
ASTANA. 19 qańtar. QazAqparat - Ótken táýlik ishinde Іshki ister mınıstrligi Kóliktegi ishki ister departamentiniń qyzmet kórsetý aýmaǵynda 11 qylmys tirkeldi, dep habarlaıdy vedomstvonyń baspasóz qyzmeti.
«Onyń ishinde krımınaldyq polıtsııa jelisi boıynsha - 8 qylmys, onyń 6-sy izi sýmaı ashyldy», - delingen habarlamada.
Keshe Aıagóz stansasynyń Jelilik ishki ister basqarmasyna 1986 jylǵy azamatsha onyń «NOKIA-2700» uıaly telefonyn belgisiz bireý qoldy qylǵanyn habarlady. Onyń aıtýynsha, oqıǵa 27 jeltoqsanda Aıagóz stansasy lokomotıv deposynyń jýynatyn bólmesinde oryn alǵan.
Keltirilgen shyǵyn 14 800 teńgeni qurady. 18 qańtar kúni JІІB qyzmetkerleri jedel-izdestirý sharalaryn júrgizý barysynda 1978 jylǵy azamatshany quryqtady. Odan urlanǵan telefon tárkilendi. Qazirgi ýaqytta kúdikti áıel kinásin tolyq moıyndap otyr.
