Ótken táýlik ishinde 5 qylmys tirkelip, barlyǵy ashyldy - Kóliktegi ІІD
ASTANA. 3 jeltoqsan. QazAqparat. Qandyaǵash stantsııasynyń jelilik ishki ister bóliminiń zańsyz kóshi-qonmen kúres tobynyń qyzmetkerleri «Mıgrant» jedel-izdestirý sharasy barysynda «Moskva-Tashkent» jolaýshylar poıyzynan Namanǵan oblysyna turatyn 1968 jyly týǵan Ózbekstan Respýblıkasynyń azamatyn ustady.Onyń tólqujatyna OPK «Jaısan» jasandy mórtańbasy qoıylǵan. Tekseris jumystary júrgizilýde,dep habarlaıdy Kóliktegi ІІD baspasóz qyzmeti.
Úshtóbe stantsııasynyń jelilik ishki ister bóliminiń zańsyz kóshi-qonmen kúres toby, esirtki bıznesine qarsy kúres toby jáne patrýldik polıtsııa qyzmetkerleri «Barer», «Mıgrant» jedel-izdestirý sharasy barysynda Kóksý stantsııasynyń beketinde Almaty oblysynda turatyn 1959 jyly týǵan azamatty ustady. Odan salmaǵy 1 kılogramm 168 gramm bolatyn «keptirilgen marıhýana» esirtki zaty tabylyp, tárkilendi. Qylmystyq is qozǵalyp, ustalǵan azamat Qaratal ІІB ýaqytsha qamaýda ustaý ızolıatoryna jetkizildi.
