Ótken shilde aıynda elimizdegi ınflıatsııa 0,1 paıyzdy qurady
ASTANA. QazAqparat - 2015 jylǵy shildede Qazaqstan Respýblıkasynda ınflıatsııa 0,1 paıyzdy qurady. Baǵa azyq-túlik taýarlaryna ótken aıda 0,3 paıyzǵa tómendedi, al azyq-túlik emes taýarlaryna - 0,2 paıyzǵa, aqyly qyzmetterge 0,5 paıyzǵa ósti.
Ulttyq ekonomıka mınıstrligi Statıstıka komıtetiniń málimetine qaraǵanda, ótken aıda baǵanyń tómendeýi kartopqa 12,3 paıyz, jańa jınalǵan kókónisterge - 6,5 paıyz, jumyrtqaǵa - 4,6 paıyz, qus etine - 0,9 paıyz, aıranǵa - 0,7 paıyzǵa, pasterlengen sútke, máıekti irimshikke - 0,6 paıyzdan, ósimdik-sary maıyna - 0,3 paıyzǵa belgilengen. Sonymen bir mezgilde, baǵanyń ósýi sábizge 11,9 paıyz, almaǵa - 4,7 paıyz, apelsınge - 1,9 paıyz, keptirilgen jemister men jańǵaqtarǵa - 1,2 paıyz, jemis jáne kókónis shyryndaryna - 1,1 paıyz, nanǵa - 0,8 paıyz, arpa jarmasyna - 0,6 paıyzǵa, untaq jarmasyna, toqash jáne unnan daıyndalatyn kondıter ónimderine 0,5 paıyzdan tirkeldi.
«Baǵa ósimi túsqaǵazdar, sý emýlsııalyq syrlarǵa 1 paıyzdan, toqyma buıymdaryna - 0,6 paıyz, jıhaz jáne úıge qajetti zattarǵa - 0,5 paıyz, sportqa, týrızmge jáne taza aýadaǵy demalysqa arnalǵan jabdyqtarǵa - 0,4 paıyz, farmatsevtıkalyq ónimderge - 0,3 paıyzdy qurady. Al sanatorııler qyzmetterine baǵa deńgeıi 3,9, keshendi demalystardy uıymdastyrý - 2,1, turǵyn úı-jaılardy jóndeý jáne qyzmet kórsetý boıynsha - 1,3, shashtarazdar men jeke qyzmet kórsetý oryndaryna - 0,4, qoǵamdyq tamaqtandyrý - 0,3 paıyzǵa ósti», delingen baspasóz baıanynda.
Aıta keterligi, esepti kezeńde alys qashyqtyqqa qatynaıtyn jolaýshylardyń temir jol kóligine jol júrý aqysy 0,4 paıyzǵa qymbattasa, áýe kóligi 0,5 paıyzǵa arzandaǵan. Al turǵyn úı-kommýnaldy qyzmetter salasynda tarıfter sýyq sýǵa 7,5%, kárizge - 7,4%, taratý jelileri boıynsha tasymaldanatyn gazǵa - 1,2%, ystyq sýǵa - 0,4 paıyzǵa joǵarylady.
