Ótken sessııada Parlament depýtattary 302 saýal joldady
ASTANA. 29 maýsym. QazAqparat -Besinshi saılanǵan Parlamenttiń birinshi sessııasynda qos palata depýtattary 302 saýal joldady.
Búgin Parlament sessııasynyń jabylýyna arnalǵan palatalardyń birlesken otyrysynda baıandama jasaǵan Májilis tóraǵasy Nurlan Nyǵmatýlın osylaı málim etti.
«Budan basqa, birinshi sessııa barysynda depýtattar el jurtshylyǵy tarapynan kóterilip júrgen naqty máselelerdiń sheshimin tabýǵa basa nazar aýdardy. Máselen, sessııa barysynda Parlamenttiń qos palatasy depýtattary tarapynan 302 depýtattyq saýal joldandy. Osyǵan baılanysty, depýtattyq saýaldardyń burynǵydan sapaly bola túskenin, birin-biri qaıtalaýlardyń bolmaǵanyn atap ótý kerek. Eń bastysy, munda negizgi ekpin jergilikti jerlerdegi problemalardy sheshýge oıysty, jalpy memlekettik sıpattaǵy máselelerge barynsha kóńil bólindi», - deıdi Májilis spıkeri.
Onyń aıtýynsha, depýtattyq saýaldardyń sapasy ǵana emes, osy saýaldarmen Úkimettiń sheshim qabyldap, jumys isteýleri de jaqsara túsken.
