Ótken sessııada azamattardyń quqyqtaryn qorǵaý máselesi basty nazarda boldy - Parlament palatalarynyń birlesken otyrysy
ASTANA. Maýsymnyń 30-y. QazAqparat /Aıdar Ospanalıev/ - Qazaqstan Parlamentiniń ótken sessııasynda azamattardyń quqyqtaryn qorǵaý máselesine basa nazar aýdaryldy. Bul týraly búgin Parlament palatalarynyń birlesken otyrysynda Oral Muhamedjanov málim etti.
Spıkerdiń sózine qaraǵanda, úshinshi sessııanyń barysynda 199 zań jobasy qaraldy. Olardyń 51-i ótken sessııadan qalǵan qujattar. Al 148 qujat osy sessııa barysynda kelip túsken. Sondaı-aq osy sessııa barysynda elimizdiń zańnamalyq bazasy taǵy 103 zańnamalyq aktimen tolyqty. «Ótken sessııa barysynda depýtattar azamattardyń quqyqtary men azamattyq qoǵam qalyptastyrý máselesine basa nazar aýdardy. Naqtyraq aıtqanda, azamattardyń jeke ómirlerine aralaspaýdy qamtamasyz etý máselesine qatysty túzetýlerdi qabyldady. Sondaı-aq Qylmystyq-protsessýaldyq kodekske sotqa deıingi protsedýralardy jeńildetý máseleleri boıynsha túzetýler engizý men «Turmystyq zorlyq-zombylyqqa qarsy kúres» zańdary qabyldandy. Depýtattar teń quqyqtar men barshaǵa birdeı múmkindikterge memlekettik kepildik berý máselesine baılanysty qatysty zańǵa bastamashy boldy», dedi O.Muhamedjanov.
