Ótken senbi jáne jeksenbi kúnderi Qazaqstannyń avtojoldarynda 13 adam qaza tapty - TJM
ASTANA. Jeltoqsannyń 28-i. QazAqparat - Ótken demalys kúnderi respýblıka joldarynda bolǵan jol-kólik oqıaǵalarynda 13 adam kóz jumyp, taǵy 7 adam túrli dene jaraqattaryn aldy,
dep habarlaıdy QazAqparat TJM-nyń baspasóz qyzmetine silteme jasap.
Іri jol-kólik oqıǵasy senbi, jeltoqsannyń 26-sy kúni Batys Qazaqstan oblysy Samara-Shymkent avtojolynyń 390-shy shaqyrymynda «Folksvagen» jáne «Volvo» kólikteriniń qatysýymen boldy. Apat saldarynan birinshi avtokóliktiń júrgizýshisi men onyń 4 jolaýshysy oqıǵa ornynda kóz jumdy.
Sondaı-aq osy kúni, Astana qalasynda áýejaıǵa alyp barar avtojolda «Leksýs» jáne «Mersedes» kólikteriniń soqtyǵysýynan, «Mersedestiń» 23 jasar júrgizýshisi men onyń 50 jáne 51 jastaǵy jolaýshylary oqıǵa orynda jan tásilim etti.
Jambyl oblysy Moıynqum aýylynda eki «Aýdı» mashınanyń soqtyǵysýynan kólikterdiń biriniń júrgizýshisi aýrýhanaǵa jetkizilse, 3 jastaǵy náreste sol orynda qaıtys boldy.
Jeksenbi, jeltoqsannyń 27-si kúni Almaty oblysy «Almaty-Kókpekti-Kóktal» avtojolynyń 29-shy shaqyrymynda «Mazda» jáne «GAZ» kólikteri soqtyǵysyp qaldy. Jol-kólik oqıǵasynda eki adam mert boldy.
