Ótken saılaý qazaqstandyqtardyń erik-jigerin tolyq kórsetip, Qazaqstan halqynyń birligin nyǵaıta tústi - Q. Saýdabaev
ASTANA. 18 sáýir. QazAqparat /Qanat Mámetqazyuly/ - Ótken saılaý qazaqstandyqtardyń erik-jigerin tolyq kórsetip, Qazaqstan halqynyń birligin nyǵaıta tústi.
Búgin elordadaǵy Beıbitshilik pen kelisim saraıynda ótip jatqan Qazaqstan halqy Assambleıasy Keńesiniń otyrysynda sóz sóılegen QR Memlekettik hatshysy Qanat Saýdabaev osylaı málim etti.
«Álemniń birqatar elderinde saıası daǵdarystar oryn alyp otyrǵan kezeńde Qazaqstan halqy jaqynda ótken kezekten tys prezıdenttik saılaýda birlik pen yntymaq tanytýy erkshe qymbat bolyp tabylady. Qazaqstan halqynyń baǵyna oraı, bizdiń kóshbasshy Elbasy N. Nazarbaev árqashan halyqpen birge bolyp, qalyń buqara úshin qolynan keletinniń bárin istedi, qazaqstandyqtardyń ál-aýqatyn kótere otyryp, eldegi beıbitshilik pen kelisimdi odan saıyn nyǵaıta tústi. Qazaqstanda jyl ótken saıyn jalaqy kólemi artyp, zeınetaqylyq, járdemaqylyq tólemderdiń barlyq túrleri ósýde, jańa jumys oryndary qurylyp jatyr. Bul memlekettiń qýatyn, onyń kóshbasshysynyń el aldyndaǵy jaýapkershiliginiń nátıjesi», - dedi Q. Saýdabaev.
