Ótken on aıdyń ishinde 13 myńnan asa órt bolyp, elimizge 4 mlrd. teńgeden astam shyǵyn kelgen
ASTANA. Qarashanyń 18-i. QazAqparat - Jyl saıyn elimizde 19 myńnan astam órt tirkeledi. Osy «tilsiz jaýdyń» oryn alýynan 5 mlrd. teńgeden astam materıaldyq shyǵyn kelip, myńdaǵan adamdar órtte qaza taýyp, ár túrli dárejedegi jaraqat alady.
Bul málimet Májiliste ótken órt qaýipsizdigine qatysty zań jobasynyń tanystyrylymynda jarııa etildi, dep habarlaıdy QazAqparat.
QR Tótenshe jaǵdaılar mınıstriniń orynbasary Valerıı Petrovtyń aıtýynsha, Qazaqstan Respýblıkasynda 2009 jyldyń 10 aıy ishinde 13 myń 264 órt bolyp, odan elimizge 4 mlrd. teńgeden astam shyǵyn kelgen. Órttiń qaýipti faktorlarynan 364 adam qaza taýyp, 461 adam jaraqat pen ár túrli dárejedegi kúıik alǵan.
