Ótken oqý jylynda 24 mektep jabyldy - Baqytjan Jumaǵulov
ASTANA. 16 tamyz. QazAqparat/Rýslan Ǵabbasov/ - Ótken oqý jylynda 24 mektep jabyldy. Bul týraly búgin selektorlyq rejımdegi Úkimet otyrysynda elimizdiń Bilim jáne ǵylym mınıstri Baqytjan Jumaǵulov málim etti.
Elimizdegi mektep jelisi únemi rettelip otyratynyna toqtalǵan mınıstr, tasymaldaý múmkindigi bolǵan jaǵdaıda az kontınenti bar bastaýysh synyptar jabylatynyn aıtyp ótti."Ótken oqý jylynda 24 mektep jabyldy. Jalpy ol mektepterde 313 oqýshy oqydy», - dedi mınıstr.
B.Jumaǵulovtyń sózine qaraǵanda, atalǵan mektepterdiń altaýy Aqmola oblysynda (58 bala oqydy), jeteýi Shyǵys Qazaqstan oblysynda (9 bala oqydy), ekeýi Batys Qazaqstan oblysynda (55 bala oqydy), biri Soltústik Qazaqstan oblysynda, sondaı-aq tórt mektep Ońtústik Qazaqstan oblysynda (140 bala oqydy) bolǵan. Osy oraıda mınıstr bul balalardyń barlyǵy mektep janyndaǵy ınternattarǵa ornalastyrylǵanyn nemese olardy jaqyn mańdaǵy oqý oryndaryna tasymaldaý sharalary uıymdastyrylǵayn jetkizdi.
Munymen qosa vedomstvo basshysy bıyl 9 jańa mektep ashylǵanyn aıtyp ótti.
Bul mektepter Aqmola, Qyzylorda, Ońtústik Qazaqstan oblystarynyń jáne Astana qalasynyń enshisinde.
