Ótken qazan aıynda Qazaqstan Respýblıkasynda 19 495 jeńil avtokólik tirkeldi
ASTANA. 14 jeltoqsan. QazAqparat /Gúlmıra Alıakparova/ - 2011 jylǵy qazanda respýblıkada 19 495 jeńil avtomobıl tirkeldi.
QR Statıstıka agenttiginiń tóraǵasy Álıhan Smaıylovtyń aıtýynsha, bul - ótken jylǵy tıisti kezeńmen salystyrǵanda 67,3 paıyzǵa tómen. 2011 jyldyń qarashasyndaǵy jaǵdaı boıynsha, qolda bar kólikterdiń sany 3 mln. 475 myńdy qurady.
Óńirler boıynsha alǵanda, ótken qazan aıynda temir tulparlar eń kóp tirkelgen oblystardyń alǵashqy bestigine Astana qalasy (3 226), Almaty qalasy (2 442), Ońtústik Qazaqstan (2 039), Shyǵys Qazaqstan (1 759) jáne Almaty oblystary (1 683) kirip otyr.
Sondaı-aq statıstıka, eski kólikke qumartýshylardyń sany azaıǵanyn kórsetýde. Máselen, 2010 jyldyń qazanynda tirkelgen shyǵý merzimi 10 jyldan asqan mashınalardyń sany 41 myń bolsa, bıylǵy jyly bul kórsetkish 12 265-ti qurady. Qoldanysta 3 jyldan artyq bolǵan mashınalardy satyp alý 7 889-dan 2 799-ǵa azaıdy.
