Ótken qarasha aıynda respýblıkada eń tómengi kúnkóris deńgeıi 11 927 teńgege deıin azaıdy - Statıstıka
ASTANA. Jeltoqsannyń 1-i. QazAqparat - 2009 jylǵy qarasha aıynda eń tómengi kúnkóris deńgeıi 11 927 teńgeni qurady,
dep habarlaıdy QazAqparat QR Statıstıka agenttiginiń baspasóz qyzmetine silteme jasap.
Negizgi tamaq ónimderin tutynýdyń eń tómengi normalarynan eseptelgen halyqtyń jan basyna shaqqandaǵy eń tómengi kúnkóris deńgeıiniń shamasy 2009 jyldyń qarashasynda onyń aldyńǵy aımen salystyrǵanda 9,4 paıyzǵa, 2008 jylǵy qarashamen salystyrǵanda 2,3 paıyzǵa azaıdy.
Onyń qurylymyndaǵy et pen balyqty satyp alýǵa jumsalǵan shyǵystardyń úlesi - 20,5 paıyzdy, sút, maı ónimderi men jumyrtqaǵa - 16,7, jemister men kókónisterge - 9,9, nan ónimderine - 10, qant, shaı jáne dámdeýishterge - 2,9 paıyzdy qurady.
Eń tómengi kúnkóris deńgeıiniń (11 927 teńge) quramyndaǵy azyq-túlik taýarlardyń úlesi - 7156 teńgeni, azyq-túlik emes taýarlar men aqyly qyzmetterge - 4771 teńgeni qurady.
Statıstıkalyq málimetterge sáıkes, eń tómengi kúnkóris deńgeıi 13 jasqa deıingi balalarǵa 9441 teńgeni, 14-17 jas aralyǵyndaǵy qyzdar men jasóspirimderge - 15086 jáne 11558 teńgeni sáıkesinshe, 18 jastan joǵary eńbekke qabiletti halyq úshin, sonyń ishinde erlerge - 14225 teńgeni, áıelderge - 11296 teńgeni, zeınetkerler men qart adamdarǵa - 11168 teńgeni qurady.
