Ótken qańtar aıynda syrtqy saýda aınalymy 10934,0 mln. AQSh dollaryna jetti
ASTANA. 14 naýryz. QazAqparat -2012 jylǵy qańtar-aqpanda bólshek saýda kólemi (qoǵamdyq tamaqtandyrý aınalymynsyz) 602,3 mlrd. teńgeni qurap, 2011 jylǵy qańtar-aqpanmen salystyrǵanda 11,5 paıyzǵa ósti.
QR Statıstıka agenttiginiń málimetinshe, esepti kezeńde kóterme saýda kólemi 1310,8 mlrd. teńgeni qurap, 2011 jylǵy qańtar-aqpanmen salystyrǵanda 15,5 paıyzǵa artty.
Sonymen qatar atalǵan merzimde tamaq ónimderi men sýsyndardy usyný boıynsha qyzmetter kólemi 27,2 mlrd. teńgeni qurady jáne 2011 jylǵy qańtar-aqpanmen salystyrǵanda 11,5 paıyzǵa ósti.
2012 jylǵy qańtarda syrtqy saýda aınalymy 10934,0 mln. AQSh dollaryn qurap, 2011 jylǵy qańtarǵa qaraǵanda 97,8 paıyzǵa joǵarylady, onyń ishinde eksport - 8263,9 mln. AQSh dollaryn (2,1 ese ósti), ımport - 2670,1 mln. AQSh dollaryn qurady (53,4 paıyzǵa ósti).
