Ótken ǵasyrdyń bilimimen júrgen tarıhshy-ǵalymdar áli kúnge deıin bar - H.Ábjanov
ASTANA. 6 maýsym. QazAqparat - Ǵylymı-zertteý ınstıtýtynda ótken ǵasyrdyń bilimimen júrgen tarıhshylardy áli kúnge deıin kezdestirýge bolady.
Keshe Astanada ótken Qazaqstannyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda (Jalpyulttyq keńes) Shoqan Ýálıhanov atyndaǵy tarıh jáne etnologııa ınstıtýtynyń dırektory, professor Hangeldi Ábjanov osylaı málim etti.
Ǵalym atap kórsetkendeı, tarıhty oqytý, zertteý jáne nasıhattaý isindegi irkilisterdi tek syrtqy faktormen ǵana baılanystyrýǵa bolmaıdy.
«Búginde tarıhshylardyń, ıaǵnı bizderdiń, álemdegi jańǵyrý qarqynyna ilese almaı qalatynyn moıyndaý qajet. Shyny kerek, kásibı-áleýmettik turǵyda kemeldenip, jetilýdiń ornyna osydan 15-20 jyl buryńǵy bilim qorymen júrgen áriptesterimiz bar. Ókinishke qaraı, olardy áli kúnge deıin ǵylymı-zertteý ıntıstıýtynda kezdestirýge bolady. Ejelgi jáne orta ǵasyrlyq tilderdi biletin tarıhshylar joqtyń qasy. Soǵan qaramastan, tarıhtyń ózekti taqyryptaryna tom-tom zertteý jazatyndar paıda boldy. Ulttyq tarıh ǵylymynyń abyroıyn asqaqtatqan Álkeı Marǵulan, Ermuhan Bekmahanov, Sapar Ibragımov, Bek Súleımenov, Edige Masanov, Madııar Eleýov, Ábdi Tursynbaev syndy tarıhshylar úıin qonaǵy bılemegen edi. Jaqsylyq kórsek te, jamandyq kórsek te, ózimizden bolyp tur», - deıdi H.Ábjanov.
