Ótken ǵasyrdyń 60-70 jyldary álemdegi musylmandar sany 5 esege ósti - Nursultan Nazarbaev
ANA. 8 maýsym. QazAqparat /Rýslan Ǵabbasov/ - "Islam san ǵasyrlar boıy tózimdilik pen toleranttylyq ustanymyn tanytyp keledi", - dedi búgin Táýelsizdik saraıynda ótip jatqan 7-shi Dúnıejúzilik Islam ekonomıkalyq forýmynda Elbasy Nursultan Nazarbaev.
«Atap aıtqanda, ıslam san ǵasyrlar bederinde dinı turǵydaǵy tózimdilik pen toleranttylyqty kórsetip keledi. Oǵash oı-tujyrymdarǵa qatysty da asqan sabyrlylyq tanytty»,-dep atap ótti Memleket basshysy.
Elbasynyń paıymdaýynsha, qazirgi kezde ıslam álemi óz damýyndaǵy kúrdeli kezeńdi bastan ótkizip otyr. Islam saıası shıelenister men áleýmettik -ekonomıkalyq jáne demografııalyq qıyndyqtarmen betpe-bet kelýde. «Mysaly, ótken ǵasyrdyń 60-70 jyldary álemdegi musylmandar sany aýyr jáne toqtaýsyz azyq-túlik daǵdarysyna qaramaı, 5 esege ósti»,-dedi Prezıdent.
